Ininspeksyon nina Mayor Tyrone Agabas at Vice Mayor Lorna Primicias ang patuloy na rehabilitasyon ng covered gym sa Old Cemetery sa Tayug bilang paghahanda para sa nalalapit na pagdiriwang ng Undas. Ang proyekto ay naglalayong mapabuti ang kaligtasan at kaginhawahan ng mga mamamayan, lalo na tuwing may masamang panahon o pagdagsa ng tao sa mga okasyon tulad ng Undas.
Ang rehabilitasyon ng covered gym ay bahagi ng mas malawak na inisyatiba ng lokal na pamahalaan upang makapaghatid ng mas maayos at mas ligtas na mga pasilidad sa mga Tayugeño. Maliban sa pagiging kanlungan tuwing Undas, ang covered gym ay ginagamit din sa iba’t ibang pangkomunidad na aktibidad, kaya’t mahalaga ang pagsasaayos nito upang mas matiyak ang kaligtasan ng mga gumagamit.
Ang pamahalaang bayan ng Tayug, sa pamumuno ni Mayor Agabas, ay patuloy na nagsusumikap na magbigay ng de-kalidad na serbisyo at imprastruktura para sa kapakanan ng bawat mamamayan.
RehabilitasyonNgCoveredGym #TayugUndasPreparations #KaligtasanAtKaginhawahan #MayorTyroneAgabas #ViceMayorLornaPrimicias#TogetherWeServe
Photo Courtesy: Tayug Municipal Government
