SAN QUINTIN, PANGASINAN — Nanawagan si Police Captain Esteban Fernandez III, officer-in-charge ng San Quintin Police Station, sa publiko kaugnay sa naganap na insidente ng pagbababag sa provincial road sa Brgy. Mabini, San Quintin, noong Sabado.
Ang insidente ay nagdulot ng mainit na diskusyon sa pagitan nina SB Member Farah Lee Lumahan, Mayor Florence Tiu, at dating Mayor Clark Cecil Tiu. Sa kanyang pahayag, hinikayat ni Capt. Fernandez ang publiko na maging mahinahon at panatilihin ang pagkakaisa sa kabila ng mga kaganapang ito.
Hinihikayat din ng San Quintin PNP ang mga residente na makipagtulungan sa mga awtoridad at ipagbigay-alam ang anumang impormasyon na makatutulong sa paglutas ng insidente.
